Lupon Seminar 2025

Pagsasabay sa Mediation Techniques para sa Lupon Tagapamayapa ng Barangay Kamuning.

Isinagawa ang isang makabuluhang pagsasanay para sa mga kasapi ng Lupon Tagapamayapa ng Barangay Kamuning ukol sa epektibong mediation techniques, katuwang ang ating resource speaker na si Ms. Ray Quitlong, isang eksperto sa larangan ng Alternative Dispute Resolution (ADR).

Layunin ng pagsasanay na ito na higit pang paunlarin ang kakayahan ng mga miyembro ng lupon sa pagresolba ng mga alitan sa komunidad sa paraang mapayapa, makatao, at patas. Tinalakay ni Ms. Quitlong ang mga pangunahing teknik sa epektibong pakikipagdayalogo, aktibong pakikinig, pag-unawa sa magkabilang panig, at tamang pagbibigay ng resolusyon nang hindi kinakailangang umabot sa korte.

Lubos ang pasasalamat ng Barangay Kamuning kay Ms. Ray Quitlong sa pagbabahagi ng kanyang kaalaman at karanasan. Sa pamamagitan ng pagsasanay na ito, mas pinalakas ang kakayahan ng Lupon Tagapamayapa sa pagtugon sa mga isyu ng komunidad nang maayos at epektibo.